Денес (19.10.2013), градоначалникот на Општина Велес, Славчо Чадиев направи увид на активностите во „Паркот на пријателството" чиј интензитет од ден на ден се зголемуваат. Реализацијата на овој проект е во знак на пријателството помеѓу збратимените градови од Турција, Каршијака и Адалар. И во едната и во другата општина живеат македонски иселеници. Голем дел од овие граѓани кои го креираат економскиот и политичкиот живот на Турција по потекло се од овие краишта. Ова е основниот мотив што тие во своето родно место инвестираат во изградба на парк, за да не се заборави, да се даде благодарност кон родната земја, но и да се нагласи пријателската димензија на Турција и Македонија.