Во организација на Сојузот на пронаоѓачи и автори на технички унапредувања на Македонија - СПАТУМ, по 34-ти пат во континуитет од 1980 година се организираше изложбата на пронајдоци, иновации, нови технологии, нови производи, технички унапредувања, индустриски дизајн, трговски марки и младинско креативно творештво МАКИНОВА 2013, придружено со 11-тата изложба на иновации, пронајдоци и идеи и чија цел е подобрување на животната средина - ЕКОНОВА 2013. Манифестациите се одржаа на Скопскиот саем, во рамките на ТЕХНОМА, во периодот 15-19 Октомври 2013 година.

Со своето присуство, ССОУ „Коле Неделковски“ беше активен субјект во манифестациите, но истовремено ја искористи и можноста да ја промовира и афирмира работата на училиштето до пошироката стопанска заедница и јавноста во Република Македонија. Во рамките на МАКИНОВА 2013 училиштето учествуваше со проектот изработен од ученикот Михајлов Андреј под менторство на наставникот Никола Дечев - наставник по електростручни предмети.

Со гордост може да истакнеме дека во рамките на изложбата на МАКИНОВА 2013 ССОУ „Коле Неделковски“се закити со златен медал.