Општина Велес денес стартува со проектот Грижа за стари лица во домашни услови. Проектот на Општина Велес за разлика од оној што го реализираше Австрискиот црвен крст е проширен и дополнет со друг вид услуги. Покрај стандардните услуги што и понатаму ќе ги даваат медицински сестри: мерење притисок и шеќер на старите лица, контактите со матичните лекари и контрола на примањето на утврдената терапија, Општина Велес ангажираше и геронто-домакинки што на старите лица ќе им помагаат во извршување на основните домашни работи.