Амбасадорот на Словенија Бранко Раковец вчера (16.12.2013) имаше работна посета на Општина Велес. На средбата, градоначалникот Славчо Чадиев го запозна Раковец со вкупните состојби во градот и напорите кои се вложуваат од страна на локалната самоуправа за подобрување на условите за живот на граѓаните. Двајцата соговорници на средбата ги разгледаа можностите за понатамошна соработка помеѓу Општина Велес и Амбасадата на Република Словенија. Пред словенечкиот амбасадор Бранко Раковец, од страна на градоначалникот Чадиев беа презентирани и тековните активности на општината, како и идните проекти што ќе бидат реализирани во 2014 година.