Во пресрет на новогодишните и божиќните празници градоначалникот Славчо Чадиев ги израдува и најмладите во градот. На учениците во ПОУ „Маца Овчарова“ и на децата што го посетуваат Дневниот центар за посебни потреби им подели новогодишни пакетчиња, посакувајќи им многу радосни и убави моменти во годината што следи. Директорката на ПОУ „Маца Овчарова“ Татјана Љапова, од името на вработените и учениците се заблагодари за подароците и упати честитка за престојните новогодишни и божиќни празници. Во знак на благодарност децата приредија и новогодишна приредба, а на градоначалникот Чадиев му беше подарена рачно изработена слика.