Денес започна реконструкцијата на паркот во ООУ „Васил Главинов”. Проектот предвидува комплетна реорганизација на просторот во парковската површина на училиштетото, со подигање на зелени површини и парковски елементи. За таа цел неодамна Советот на Општина Велес ја усвои Програмата за реконструкција и уредување на нови зелени површини, во која е вклучен и овој дел. Градоначалникот Славчо Чадиев заедно со директорот на ЈКП Дервен Фиданчо Цековски и останатите стручни служби присуствуваа на привиот ден од градежните активности. Од страна на градоначалникот беше истакнато дека локалната самоуправа и во новата 2014 година го задржува интензитетот на работа кој е започнат во преходниот период, зголемувајќи ја бројката на повеќе од 120 реализирани проекти.

Инаку просторот пред ООУ „Васил Главинов” каде што живеат голем број на граѓани и каде што своето слободно место го минуваат учениците, долго време не беше соодветно уреден. Општина Велес се реши на овој чекор бидејќи е во интерес на граѓаните и ги задоволува нивните потреби за создавање на пријатни места за одмор и рекреација. Вкупната предвидена површина за реконструкција изнесува 5.084 м2. Целокупната процес ќе се одвива во неколку етапи: најпрво ќе се расчисти просторот и ќе се отстранат оградата, ќе се постави систем за наводнување а ќе се подигнат и нови тревни, цветни и зелени површини. Исто така предвидено е и поставување на фонтата, езерца со мини реки до нив, летниковци, урбана опрема и други интересни делови во новиот парк кој денес започна да се уредува. Вкупната инвестиција за овој зафат би изнесувала 1.181.981 денари.