Завршуваат градежните работи за санација на кровната конструкција и внатрешните ѕидови од градскиот пазар во Нова населба, обврски кои произлегуваат од претходно склучениот договор на ЈКП Дервен со КАМ маркет. Реконструкцијата на покривот и внатрешното уредување на пазарот ќе допринесе за подобрување на условите за работа на продавачите на тезги, а благодет ќе имаат и граѓаните затоа што ќе имаат можност да пазарат во современ продажен простор. Зголемувањето на фрекфенцијата на купувачи ќе допринесе за заживување на пазарот во овој дел на градот.