Амбасадорката на Република Франција, Лоренс Оер денес оствари работна посета на Општина Велес. На средбата, градоначалникот Славчо Чадиев ја запозна Оер со вкупните состојби во градот и напорите кои се вложуваат од страна на локалната самоуправа за подобрување на условите за живот на граѓаните. Двајцата соговорници на средбата ги разгледаа можностите за понатамошна соработка помеѓу Општина Велес и Амбасадата на Република Франција, особено на планот на економскиот развој, образованието и културата. Пред француската амбасадорка Лоренс Оер, од страна на градоначалникот Чадиев беа презентирани и тековните активности на општината, како и идните проекти што ќе бидат реализирани во 2014 година.