Денес (20.03.2014) на просторот кај фонтаната во младинскиот парк беше обележан патрониот празник на ПОУ „Маца Овчарова“. Учениците од ова училиште заедно со останатите деца од основните училишта во Општина Велес, со креди во боја, на плочникот од паркот, сликаа на тема „ВИНОЖИТО“ - Светот е обоен во сите бои. Во исто време течеше и програмскиот дел каде беа објавени победниците од ликовниот и литературниот конкурс, а со свои точки се претставија учениците ПОУ „Маца Овчарова“, како и музичкиот оркестар од ОУ „Рајко Жинзифов“- с. Оризари и балетското студио „Анабела“.