Денес е светски ден на медицински сестри, акушерки и техничари, луѓето кои огромен дел од својот живот им посветуваат на пациентите. 12 Мај е денот кога е родена Флоренс Најтингел или позната како Дамата со фенерот - една од најзаслужните за намалување на смртноста на војниците во Кримската војна.

Градоначалникот на Општина Велес, Славчо Чадиев на сите медицински сестри им го честита празникот и им благодари во името на сите граѓани на Велес за хуманоста, трпението и човечноста, што се нераскинлив дел од нивната професија.