Во Среда 20.12.2006 год. во 20,00 часот. во Ликовниот салон  во Велес, ќе биде отворена  самостојна изложба на скулптури на Слободан Милошески.

Роден 1977 год. во Охрид. Студент на Факултетот за Ликовни Уметности во Скопје, четврта година.

Учествувал на повеќе групни изложби , а ова е негова трета самостојна изложба.

Преку меката структура на дрвото авторот ни ја предава својата внатрешна енергија, со која преку речиси анимални структурни решенија ни ја нуди сопствената перспектива на гледање. Скулптурите со својата елегантна форма, засекувања,  прекршувања, со префинета моделација, делуваат сугестивно врз гледачот и будат  внатрешни неспокојства.
Во Ликовниот салон ќе биде преставен со 16 скулптури од дрво.