Во организација на Комисијата за заштита на правото за слободен пристап до информации од јавен карактер денес во Големата сала на Општина Велес се одржа обука на тема: Правото на слободен пристап до информации од јавен карактер. Пред присутните претставници на локалните установи, невладини организации и одговорните лица на правните субјекти – иматели на информации, претставниците на Комисијата говореа за можностите што ги дава овој закон, за обврските на правните субјекти – иматели на информации и за начинот на неговото применување во праксата.

Обуката предизвика голем интерес кај присутните. Тие преку активно учество добија одговори на сите дилеми и прашања со кои се соочуваат во текот на неговата примена во праксата. Инаку, според Законот за слободен пристап до информации од јавен карактер, дефинирани се имателите на информации, нивните обврски и законски одредби за непочитување на прописите.