ССОУ „Коле Неделковски“ Велес ги промовираше досегашните активности од Проектот за меѓуетничка интеграција во образованието во текот на учебната 2013/14 година како и заедничките активности во соработка со партнер училиштето „Наце Буѓони“ од Куманово. Резултат на заедничкото работење беше и изработениот „Туристички водич“ за Велес и Куманово, кој што беше презентиран денес.

На оваа манифестација присуствуваа преставници од ОСТУ „Наце Буѓони“ од Куманово. Координаторот на проектот за меѓуетничка интеграција од УСАИД г-ѓа Снежана Јанкуловска, преставници од општина Велес, наставници, родители и ученици. Училиштето се покажа како лидер во промоцијата на овој проект кој што се спроведува во сите средни и основни училишта во соработка со УСАИД, Биро за развој на образованието, Министерството за образование и Центарот за стручно образование на Р. Македонија. Преку многубројните активности реализирани од учениците професорите и родителите, училиштето покажа подготвеност за имплементација на активностите и реализација на целите на овој проект.