Нови законски прописи за такси превозниците
По донесувањето на измените и дополнувања на Законот за превоз во патниот сообраќај, градоначалникот Аце Коцевски оствари средба со претставниците на такси превозниците на подрачјето на општината. На средбата на која присуствуваа и претставници на СВР Велес, Управата за јавни приходи и надлежните инспекциски органи беа разгледани новите законски услови за одвивање на такси превозот и беа усвоени повеќе заклучоци:- До 31 јануари 2007 година, Советот на Општина Велес треба да донесе Одлука за измена и дополнување на Одлуката за автотакси превоз со која ќе се ограничи бројот на такси возилата на подрачјето на општината.
- Такси превозниците треба да достават предлог за оптимален број на такси возила на подрачјето на општината.
- До овој рок сите превозници кои поднеле документи за лиценца треба да ја завршат процедурата.
- Инспекцискиот надзор на терен континуирано ќе се врши и во овој период.
На средбата беше укажано на неопходноста од постојан контакт на легалните такси превозници со стручните служби во општината.