Промовирање спортски бонтон како модел на интегрирање на децата од школска возраст во системот на спортување, дружење, играње и нивно меѓусебно запознавање со нивните традиции, култури и обичаи, е целта на проектот „Традиционални спортски игри”, кој денеска стартуваше во Велес.

На отпочнувањето на проектот присустуваше Претседателот на Република Македонија, Ѓорге Иванов, како покровител на оваа спортско-културна манифестација, Амбасадорот на САД во Македонија, Н.Е. Пол Волерс, Градоначалникот на Општина Велес Славчо Чадиев и градоначалниците на општините Свети Николе и Маврово Ростуше.

Инаку проектот „Традиционални спортски игри (Спортски Бон-Тон)" се реализира преку спортско-културни манифестации во општините Велес, Карпош, Маврово-Ростуше, Ново Село, Охрид и во Свети Николе.

Претходно, во 2013 година проектот „Социјална и етничка интеграција преку спортот (Спортски Бон-Тон)" беше имплементиран во општините Валандово, Кавадарци, Росоман, Аеродром, Дебар, Центар Жупа и во Теарце, додека во 2012 година проектот „Спортот како фактор за толеранција, заедништво и почитување" беше спроведен во општините Тетово, Прилеп, Центар, Старо Нагоричане, Шуто Оризари и во Врапчиште.