Градоначалникот на Општина Велес Аце Коцевски оствари средба со еден од најуспешните млади спортисти на Велес, каратистот Дејан Цветковски. Цветковски, инаку ученик во IV година во ОССУ „Коле Неделковски“ е државен првак на Македонија, учесник на Светското првенство во Кипар во 2005, вицешампион на Балканот за 2005 година, а во моментов најдобар спортист на Македонија во младинска конкуренција.

 

На средбата, градоначалникот Коцевски му упати искрени честитки на Цветков потенцирајќи дека Велес се гордее со резултатите што ги постигнал на планот на спортот и му порача дека со својата посветеност и резултати е вистински амбасадор на Велес во светот.