На 28.11.2014 година во Општина Велес се одржа Обука за Локална самоуправа чија цел беше запознавање на присутните како членови на повеќе здруженија на граѓани во кои членуваат младите, како и претставници од средните општински училишта, со работењето на општината, нејзината структурна поставеност и надлежности. Потребата за оваа презентација тргнува од фактот дека, Општината е клучна институција на локално ниво за спроведување на политики и како таква треба да е клучен партнер на младите во заедницата.

На обуката беа идентификувани одредени точки кои што се од заеднички интерес помеѓу младите и Општината, и каква цел би имало формирањето на зедничко тело како Локален Младински Совет.

Понатаму се водеше разговор за улогата на ЛМС во планирањето и имплементацијата на активностите на младите како и нивно вклучување во клучните сектори од општината што влијаат на младите.

Инаку, работилницата за запознавање со општинските служби во локалната самоуправа ја организира Младинскиот Образовен Форум. Таа е дел од проектот „Развој на младински локални политики“. Се реализира во 12 општини а се финансира со пари од Евопската Унија.