Од 9-ти до 19-ти јули годинава, во живописното Папрадиште ќе творат 17 уметници од земјава и од странство. По повод стартот на третата Сликарско-копаничарска колонија, учесниците на колонијата ги поздравија градоначалникот на Општина Велес Аце коцевски, раководителот за групата на академски сликари, Живко Пренџов и раководителот за групата копаничари, Љубомир Бисин. Посакувајќи им добредојде на колонијата,пријатен престој и дружење, градоначалникот Коцевски ги информираше учесниците за значењето на Папрадиште за македонската историја и култура како  и за архитектите, уметниците и интелектуалците кои потекнуваат оттаму: Андреа Дамјанов, Димитрија Чуповски, Димитрија Андонов Папрадишки и Ѓорги Зографски.

Живко пренџов изрази надеж дека 10-те дена на колонијата ќе поминат во творештво, а пред се со нови пријателства и многу дружење. Од своја страна Љубомир Бисин на учесниците им порача „Папрадиште или се доживува наеднаш, интензивно или не се доживува“.

На третата Сликарско-копаничарска колонија „Папрадишки Мајстори“ 2007 учествуваат:

Сликари:

o    Камен Крумов- Република Бугарија (Свиштов)
o    Драган Периќ - Република Србија (Ниш)
o    Реџеп Никшиќ - Република Србија (Нови Пазар)
o    Живко Пренџов - Република Македонија (Велес)
o    Благојче Наумоски- Република Македонија (Кичево)
o    Ангеле Гавровски – Република Македонија (Скопје)
o    Ирина Титиева -  Република Македонија (Скопје)
o    Маја Стефановска -  Република Македонија (Скопје)
o    Верица Димеска - Република Македонија (Скопје)
o    Наташа Ќулафкова - Република Македонија (Велес)
o    Љубинка Манчевска - Република Македонија (Велес)

Скулптор

o    Војко Јаневски - Република Македонија (Велес)

Копаничари:

o    Јордан Спасов - Република Бугарија –(Свиштов)
o    Драган Зелениковски - Република Македонија (Петровец)
o    Влатко Крстев - Република Македонија (Штип)
o    Благоја Анакиевски - Република Македонија (Блатец)
o    Љубомир Бисин - Република Македонија (Велес)

Делата создадени на третата Сликарско копаничарска колонија „Папрадишки мајстори“ , љубителите на уметноста ќе имаат можност да ги видат на традиционалната изложба на колонијата што Општина Велес ја организира по повод 9-ти Ноември, Денот на општината.