Проектот народна кујна ќе се реализира. Градоначалникот Аце Коцевски на прес конференција соопшти дека Општина Велес потпиша договор со Македонскиот центар за меѓународна соработка МЦМС и  МПЦ – Епархија Повардарска. Општина Велес ја реализира Одлуката на Советот за давање намена на објект - ја обезбедува опремата за Народната кујна. Опремата ќе се обезбеди од основните училишта каде не се користи.

МПЦ – Епархија Повардарска ќе учествува со волонтери за подготовка и опслужување на Народната кујна и обезбедување продукти за подготовка на храната. МЦМС ќе ги  покрие сите градежни работи за адаптација на просторот во вредност од 2.200.000 денари