Народниот говор е богатство, израз на нашиот идентитет, нешто од душата на народот, нешто чие негување е должност на сите генерации. Книгата „Така се зборува во Велес“ како дел од од серијата изданија „Така се зборува во Македонија“ на Снежана Петрова Џамбазова уште еднаш ја потврди неприкосновената убавина на велешкиот народен говор.

За книгата говореше промоторот Проф д-р Димитар Пандев, а извадоци од книгата интерпретираше актерот Александар Георгиев.

За врв на Вечерта на литературата и музиката организирана во рамките на одбележувањето на 9-ти Ноември, Денот на Општина Велес, присутните во салата на Општина Велес имаа можност за првпат да ги слушнат звуците на пијаното старо сто години што на општината и го подари семејството на истакнатиот Велешанец Киро Спировски.

За неговото музичко творештво и инструментот чија убавина ги плени велешани, говореше истакнатиот композитор Славе Димитров.

Вечерта на пијаното со свој настап ја збогатија уметниците Јана Павловска - пијано, Ѓорги  Цуцковски – тенор, Александра Лазаревска-сопран и Андреј Наунов - пијано. Убавината на музиката и изведбата предизвика громогласни аплаузи, а  велешката публика уживаше во звуците на класичната музика.