Во рамките на проектот „Посета на позитивни примери“ што како дел од програмата за локален развој на заедниците ја реализира Македонскиот центар за меѓународна соработка МЦМС, претставници на општините Конче, Теарце и Чашка ја посетија  на Општина Велес. Во рамките на посетата, членовите на совети и државните службеници од споменатите општини имаа можност да се запознаат со организационата структура и работата на Општина Велес како и најголемите историски и културни вредности на градот на Гемиџиите, Џинот, Жинзифов, Рацин и многу други претставници на македонската интелектуална авангарда.

Покрај просториите за работа во општина Велес и Граѓанскиот сервис центар, делегацијата ги посети и истурената канцеларија на Општина Велес во село Горно оризари, Клубот за стари лица во Домот на пензионерите, новоотворената Црковно народна кујна во месноста Дворови и стрип муралите во центарот на Велес. Во Домот на невладини организации, членовите на делегацијата остварија средба  со претставници на здруженијата на граѓани Фондација „Фокус“, ЕД „Вила Зора“, ЕГ „Green power“ и ЗГ „Иницијатива за социјална поддршка“ на која имаа можност а се запознаат со учеството на граѓанскиот сектор во развојот на Општина Велес.