Прокредит банка на Општина Велес и донираше 50 високодекоративни зимзелени садници, кои беа засадени со стручна помош на Шумарски факултет-Скопје и ЈКП "Дервен". Садниците беа засадени на ул. "Благој Ѓорев" од вработените во Прокредит банка-филијала Велес и ЈКП "Дервен". Основна определба на општината е уредување на зелените провршини, што е особено значајно за урбани агломерации со загадена животна средина. Со мали акции и грижа за јавните добра ќе се придонесе Велес да го одржи својот урбан и "зелен" лик.