Во рамките на проектна активност, ученици во трето одделение од Општинското основно училиште „Васил Главинов“ се сретнаа со градоначалникот Аце Коцевски, со желба да дознаат нешто повеќе за неговата работа. Градоначалникот Коцевски учениците ги запозна со предизвиците на неговата работа, а имаа и можност заедно да ја разгледаат општината и да се запознаат со услугите што Општина Велес ги обезбедува за граѓаните.  Средба со градоначалникот остварија и младите лидери од Општинската организација на Црвениот крст  кои се интересираа околу проектните активности на општината и ги пренесоа своите искуства од досегашните обуки на оваа тема.