Верниците од исламска вероисповед го слават верскиот празник Рамазан Бајрам,

По повод верскиот празник Рамазан Бајрам, Градоначалникот на Општина Велес, Аце Коцевски и Претседателот на Советот на Општината, Марјанчо Николов остварија свечена средба со преставниците на политичките партии и здруженијата на граѓани со исламска вероисповед.

На средбата, Градоначалникот Аце Коцевски им упати честитка на сите граѓани на Велес од исламската конфесија со желба за успех и благосостојба во сите сфери од животот. Воедно, Коцевски изрази задоволство од соживотот на граѓаните на Велес без оглед на нивната верска припадност, како и надеж за уште поуспешна соработка.
Во исламската религија, Рамазан е најсветиот месец во кој е објавен Куранот и го означува крајот на едномесечниот пост. Празникот Рамазан Бајрам е посветен на прочистувањето на телото и духот, на позитивните мисли, љубовта и соживотот.


Општина Велес им го честита празникот Рамазан Бајрам на сите граѓани со исламска вероисповед.