Признанието се доделува во рамките на проектот на ФИООМ, „Процена на потенцијалот за добро управување во Македонија, во кој за првпат за прв пат се организираше конкурс за доделување признанија за добро управување за институции и организации во три категории.

Целта е промоција на концептот на добро управување и поттикнување на  институциите за примена на принципите на добро управување. Петчлената Комисија за доделување признанија за добро управување подготви конкурс, прашалник и дополнителни критериуми преку кои направи евалуација на вкупно 26 институции што се пријавија на конкурсот.

Се оценуваа три категории на прашања :

• владеење на правото, ефикасност, обученост и професионалност на администрацијата и судска контрола-40%
• транспарентност, партиципативност, респонзивност-30%
• Финансиски менаџмент и контрола-30%

Во оценувањето беше вклучена евалуација на дополнителни критериуми ( ревизорски извештаи, информирање преку веб страниците, јавни набавки, претставки до Народниот правобранител и извештаи од Државната комисија за спречување на корупција.

Согласно со конкурсот, Комисијата донесе Одлука за доделување признанија за добро управување за следниве институции:  

•    Царинска управа на РМ – категорија: централни институции
•    Општина Велес – категорија: единици на локалната самоуправа
•    МАПАС –Агенција за супервизија на капитално финансирано пензиско осигурување категорија: други органи на државната управа/организации на централно ниво.

Плакетите на овие институции ќе бидат врачени на свечено доделување.

(03.04.2008)