Во рамките на Свеченоста, Градоначалникот на Велес им додели пригодни награди на најуспешните мали поети. Годинава награда Гранд при и беше доделена на Мирна Ќорверзировска, ученичка во VII одделение при ОУ „Песталоци“ од Скопје како најуспешен мал поет. Вкупно беа доделени 10 награди за литературни творби пристигнати на конкурсот. Малите поети ги воодушевија присутните во салата со своите поетски творби. Живко Пренџов, претседател на Друштвото на ликовни уметници од Велес додели пет награди за најуспешни творби на ликовно-вајарската работилница. Настанот беше збогатен со настап на учениците од ОУ „Трајко Андреев“студиото за модерен балет „Црни Мачиња“ и блаетското студио „Анабела“.

Првиот ден од манифестацијата „Детски Рацинови Средби“ заврши со забава на децата учесници која се одржа во ОУЦП „Блаже Конески“.
Оваа традиционална манифестација продолжи со поетски караван низ велешките училишта, посета на ателјето на академскиот сликар Александар Попов-Сашко и литературно читање во Гарнизонот „Алексо Демниевски-Бауман“