По повод големиот православен празник ,,Голема Богородица,, под покровителство  на Општина Велес,  а во организација на Урбаната заедница ,„Превалец“ на фудбалскиот терен  во деновите  27 и 28 август се одржа традиционалниот турнир во голем фудбал за пионери „Превалец 2008“.

На турнирот учествуваа четири екипи, а првото место и големиот пехар го освои пионерската екипа на „Работник“ од Лозово која во финалето ја победи екипата на „ Сафет Сушиќ“ од Оризари  со  4:2 по изведувањето на пенали.

На второ место е екипата на ,,Сафет Сушиќ,, додека третото место го поделија екипите на „Бирлик“ и „Превалец“ од Велес.

Во рамките на турнирот се одигра и ревијален натпревар во женски фудбал помеѓу екипите на „Борец“ од Велес и „Работник“ од Лозово.

Градоначалникот на Општина Велес Аце Коцевски и преставници од урбаната заедница Превалец на  најдобрите екипи им врачија  награди.

Турнирот помина во одлична атмосфера, а беше следен од одреден број на граѓани, љубители на фудбалската игра.