Мнозинството во Советот на општината изгласа буџет спротивно на препораките на НАЛАС, мрежата на асоцијации на општините од Југоисточна Европа, изјави градоначалникот Аце Коцевски, на редовната прес конференција одржана на 9-ти декември годинава. „Првобитниот буџет од 199 милиони денари го зголеми на над 222 милиони денари. Ова е изборен буџет кој во еден негов дел, околу 10% ќе биде само список на желби“ рече Коцевски. Тој ги презентираше препораките на НАЛАС меѓу кои и пристапот на претпазливост во проекциите за буџетот во 2009 и 2010 година.