Регионален квиз по сообраќај
На 13.12.2008 година се одржа вториот регионален квиз натпревар по сообраќај за учениците од основните училишта, во организација на Општинскиот совет за безбедност на сообраќајот на патиштата - Велес. Настанот се случуваше во просториите на ООУ „Васил Главинов“ од Велес каде учествуваа екипите од ООУ „Рајко Жинзифов“ од Г.Оризари, ООУ „Св.Кирил и Методиј“ од Велес, ООУ „ЈХК Џинот“ од Велес, ООУ „Димката Габерот“ од с.Сопот-Кавадарци, ООУ „Гоце Делчев“ од Кавадарци и ООУ „Гоце Делчев“ од Неготино. На квизот учениците ги покажаа своите знаења од областа на сообраќајните знаци, ссобраќајните правила и прописи, како и регулацијата на раскрсниците.Првото место го освои од ООУ „Гоце Делчев“ од Кавадарци, второт го освои ООУ „Св.Кирил и Методиј“ од Велес и третото ООУ „Рајко Жинзифов“ од Г.Оризари. Победниците за освоените места добија соодветни награди и признанија.
Победникот на регионалниот квиз натпревар ќе учествува на државниот квиз натпревар кој ќе го организира Републичкиот совет за безбедност на сообраќајот на патиштата.
