Со поддршка на Општина Велес, Љубомир Михајловски, претседател на Центарот за научна фантастика на Македонија „Визија“ учествуваше на 4-от меѓународен фестивал посветен на експерименталната научна фантастика што се одржа во Индија. Пред Research foundation international тој ја претстави Првата збирка раскази на Ромската заедница во жанрот научна фантастика како и голем број други изданија и активности на „Визија“.

 

Велес и Македонија се најдоа помеѓу учесниците на големиот фестивал во Меморијалниот колеџ на Махатма Ганди во Индија каде сите мисли беа посветени на потрагата по одговор на прашањето „Каде оди човекот?“. Размената на искуства и идеи придонесе Михајловски со своите песни во кои се осудуваат воените судири широм светот да стане дел од Меѓународната поетска организација „Poetas del mundo“ каде ја претставува Македонија. Повеќе информации на линкот www.poetasdelmundo.com

 

 
 

 

(18.02.2009)