Во организација на Општина Велес синоќа (26 февруари) со свечена академија посветена на Рајко Жинзифов, беше обележена 170 годишнината од неговото раѓање. Пред полната сала „Бели мугри“ беше промовирана радио-драмата „Крвава кошуља“ на Александар Кукулев работена според истоимената поема на преродбеникот Жинзифов.

За целосно доживување на делото и сценско оживување на радио драмата се погрижи големата група на Балетскиот ансамбл „Црни мачиња“ во режија на актерката Слободанка Чичевска.

Оваа соработка на ентузијасти и професионалци обединета од Општина Велес уште еднаш покажа дека во во овој град им се верува на младите таленти и се почитува квалитетот и не случајно го носи епитетот лулка на културата во Македонија.

Инаку радио-драмата е снимена во 2006 година и промовирана на Радискиот фестивал Prix Marulic на Хвар, Република Хрватска. Во Македонија се промовираше за прв пат.

Судејќи по интересот и ефектот што го остави врз велешката публика, овој перформанс од глас, музика и движења ќе доживее уште многу сценски изведби.

 

(26.02.2009)