Директорот на проектот за локална самоуправа на УСАИД г-дин Дејвид Гут ја посети Општина Велес на 26.02.2009 год. На средбата г-дин Гут и Градоначалникот Коцевски потпишаа  Анекс на Меморандумот за соработка од септември 2008 год. со кој се дефинираат активностите за утврдување на кредитен рејтинг на општина Велес, најдоцна до крајот на оваа година. Со ова Велес ќе биде прва општина што ќе добие кредитен рејтинг.

Се договорија и други проекти со кои УСАИД ќе ја подржи општина Велес особено за мерење на фискалниот капацитет , само-проценка на кредитната способност и за задолжување на општина Велес.