Врз основа на член 2, точка 4, алинеја 2, член 47 став 2 и член 48, од Законот за користење и располагање со стварите во државна сопственост и со стварите во општинска сопственост (Службен весник на Република Македонија бр. 78/15, 106/15 и 153/15) и Одлуката за отуѓување на патнички моторни возила сопственост на Општина Велес бр.27-4800/5,

Комисијата за недвижни и движни ствари сопственост на Општина Велес ја дава следната:            

 ОБЈАВА бр.1 /2016 

за продажба на движни ствари во сопственост на

Општина Велес со електронско јавно наддавање

(прва објава)  

 

ПРЕДМЕТ НА ПРОДАЖБА СО ЕЛЕКТРОНСКО ЈАВНО НАДДАВАЊЕ СЕ:

1.“CITROEN C5" со рег.број  VE-195-BR со следниве карактеристики : 

Вид на возило	Патничко возило
Марка	CITROEN
Тип, изведба	C5
Година на производство	2005
Број на шасија	VF7RCRFJC76706649
Број на мотор	RFJ10LH1U1358124
Силина на мотор(KW/KS)	103 KW
Работна зафатнина на моторccm	1997
Маса напразно  возило во кг	1469
Места за седење	5
Форма или намена на каросерија	ЛИМУЗИНА
боја	20 црна
Регистарски број на возило	VE-195-BR
Прва регистрација	29.01.2007
Старост на возило до дата на проценка 29.08.2016 година  согласно година на производство 01.07.2005 година	11 години 1 месеци и 28 дена т.е11 години и 2 месец
Податоци за сопственик според  сообраќајна дозвола	Општина Велес ул.“Панко Брашнар ” бр.1

 Со почетна цена од 256.138,00 денари

2.“CITROEN C3" со рег.бр. VE-386-BR со следниве карактеристики : 

Вид на возило	Патничко возило
Марка	CITROEN
Тип, изведба	C3
Година на производство	2006
Број на шасија	VF7FC8HZB28645567
Број на мотор	6HX10FD841449026
Силина на мотор(KW/KS)	50KW
Работна зафатнина на моторccm	1398
Маса на возило во кг	1182
Места за седење	5
Форма или намена на каросерија	Лимузина
боја	сина 8F
Регистарски број на возило	VE-386-BP
Прва регистрација	04.04.2006
Старост на возило до дата на проценка 29.08.2016 година согласно дата на прва регистрација 04.04.2006 година	10 години 4 месеци и 25 дена т.е 10 години и 5 месеци
Податоци за сопственик според  сообраќајна дозвола	Општина Велес ул.“Панко Брашнар ” бр.1

  Со почетна цена од 118.080,00 денари 

Увидот на движните ствари – возила кои се предмет на јавно наддавање можат да се видат секој работен ден со претходна најава кај Комисијата од 12 до 15:30 часот лице за контакт Панче Јанев –043/ 232-406 локал 115.

ПРАВО НА УЧЕСТВО

Право на учество имаат сите заинтересирани домашни и странски физички и правни лица кои  што ги исполнуваат условите дадени во објавата.

УСЛОВИ ЗА УЧЕСТВО ВО ЕЛЕКТРОНСКОТО ЈАВНО НАДДАВАЊЕ

Постапката за продажбата на движните ствари е со електронско јавно наддавање, преку електронски систем за јавно наддавање. Пријавата за учество на јавното наддавање се поднесува електронски ( на www.e-stvari.mk) и треба да ги содржи следните податоци за подносителот на пријавата:

-име и презиме, односно фирма (за правни лица)

-телефон за контакт, адреса, e-mail

Заедно со пополнетата пријава подносителот задолжително треба да ја достави и следната документација:

 -тековна состојба од Централниот регистар на Република Македонија, за домашни правни лица

 - извод од регистрација од соодветен регистар за странски правни лица

 - за физички лица копија од лична карта или пасош

 - доказ за уплатен депозит

Документите се прикачуваат електронски на софтверот и не смеат да бидат постари од 6 (шест) месеци.

Подносителите на пријави кои доставиле комплетни пријави за учество на јавното наддавање согласно со објавата, на денот на спроведување на јавното наддавање се регистрираат со корисничкото име и шифра за учество на јавното наддавање, по што имаат право на учество на јавното наддавање.  

 Подносителите на пријавите кои што нема да бидат комплетирани со овие докази нема да учествуваат во наддавањето за што ќе бидат известени по електронски пат.

Објавата трае двaесет (20) дена почнувајќи од 03.09.2016 год.(сабота) до 22.09.2016 год. (четврток)

Јавното електронско наддавање ќе се одржи на интернет страницата www.e-stvari.mk.

Јавното електронско наддавање за 1.“CITROEN C5" со рег.број  VE-195-BR ќе започне на ден  27.09.2016 год. со почоток во 11:00 часот.

Јавното електронско наддавање за 2.“CITROEN C3" со рег.бр. VE-386-BR ќе започне на ден  27.09.2016 год. со почоток во 12:00 часот.

ПОЧЕТНА ЦЕНА

Почетната цена на движните ствари е проценетата вредност на истите наведена во табеларниот приказ.

Цената за продажба на движните ствари – е утврдена согласно Извештајот за проценка на пазарна вредност на транспортни средства од Друштвото за услуги Завод за вештачење II VI 432/2016.

ДЕПОЗИТ

Депозитот како гаранција за учество за јавното наддавање изнесува 2% од почетната цена на електронското наддавање.

Уплатениот депозит во целост им се враќа на учесниците кои што нема да бидата избрани за најповолен учесник, во рок од 15 дена од денот на одржувањето на јавното наддавање.

Уплатата на депозитот да се изврши во корист на Општина Велес, на трезорска сметка  1000000000630-95, сметка на Буџетски корисник 711014100963010, приходна шифра     725939-00, назив на примач: трезорска аметка, Буџет на Општина Велес, Банка на примач : Народна банка на РМ.

ПОСТАПКА

 Начин и постапка за спроведување на јавното наддавање:

- Јавното наддавање започнува со објавување на вкупната почетна цена на недвижната ствар и се спроведува по пат на наддавање од страна на учесниците.- Во првите пет минути од јавното наддавање учесниците можат да ја прифатат, односно зголемуваат цената на недвижната ствар. Јавното наддавање се смета за завршено во моментот на истекот на времето определено во објавата, при што доколку во истекот на последните две минути од определеното време за траење на јавното наддавање од страна на учесниците е дадена понуда, крајниот рок за завршување на јавното наддавање се продолжува за уште две минути, а ќе заврши кога за период од следните две минути нема нова дадена понуда.

- Јавното наддавање продолжува неограничено се додека во временски интервал од две минути има нова понуда.- Доколку во првите пет минути од јавното наддавање не е прифатена понудата, односно не е дадена повисока понуда од учесникот на јавното наддавање, вредноста на недвижната ствар се намалува за 2% по што учесниците на јавното наддавање повторно ќе имаат можност да ја прифатат, односно зголемуваат цената на недвижната ствар без притоа да се ограничува минималниот чекор на зголемување. Доколку во истекот на последните две минути од вторите пет минути од јавното наддавање од страна на учесниците е прифатена понудата, односно дадена е повисока понуда, крајниот рок за завршување на јавното наддавање се продолжува за уште две минути, а ќе заврши кога за период од следните две минути нема дадено нова понуда. Доколку во времетраење од пет минути повторно нема понуда, вредноста на недвижната ствар повторно се намалува за 2% од првичната проценета вредност.

- За најповолен понудувач се смета учесникот на јавното наддавање кој понудил последна цена која претставува највисока цена за продажба на недвижните ствари.

- Комисијата по завршувањето на јавното наддавање изготвува записник за спроведеното јавно наддавање кој се доставува до сите учесници на јавното наддавање.

- Најповолниот понудувач во рок од 15 дена од денот на завршувањето на јавното наддавање е должен да ги уплати средствата на сметка на Општина Велес во согласност со постигнатата крајна цена, а доколку не ги уплати во овој рок нема да се пристапи кон склучување на договор, банкарската гаранција ќе биде активирана, а понудувачот во период од една година нема да може да учествува на секое идно јавно наддавање за предметните недвижни ствари.

- По завршувањето на постапката за јавно наддавање, со најповолниот понудувач, во рок од пет работни дена по извршената уплата на постигнатата цена на недвижната ствар, Градоначалник на Општина Велес склучува договор за продажба на недвижната ствар. Договорот во рок од 30 дена се доставува кај нотор заради вршење на пренос на сопственоста, нотарските трошоци се обврска на купувачот.

-Учесниците имаат право на приговор само по однос на постапката на јавното електронско наддавање, во рок од три  дена од одржувањето на јавното електронско наддавање до Комисијата, која одлучува по приговорот со Решение во рок од  пет дена од приемот на приговорот.

-Против Решението на Комисијата може да се изјави жалба до Државната Комисија за одлучување во управна постапка и постапка од работен однос во втор степен.

Детални информации врзани за објавата можат да се добијат  на телефоните: 043/232-406 локал 109.  

---

• ОБЈАВА
• ДОПОЛНУВАЊЕ НА ОБЈАВАТА