Почитувани сограѓани,
Дозволете ми до сите припадници на турската заедница во Општина Велес да упатам срдечни честитки по повод одбележувањето на Денот на наставата на турски јазик.
Денешниот празник е уште една можност да ја одбележиме и прославиме долгата традиција на соживот и заедништво која постои уште од минатото и претставува трајна вредност која го одбележува животот и опстојувањето на овие простори

Турската заедница и турскиот јазик се составен дел од мозаикот на културното богатство, кое се негува долги години наназад и претставува афирмација на различните култури и традиции.
Честитајќи Ви го одбележувањето на Денот на наставата на турски јазик, сакам да Ви порачам дека заеднички ќе продолжиме да придонесуваме во продлабочувањето и градењето на добри и цврсти односи во нашата општината.
Со почит!
Славчо Чадиев, Градоначалник на Општина Велес