Почитувани сограѓани,

Дозволете ми во мое лично име и во името на граѓаните на Општина Велес, на сите православни верници да им упатам најискрени и најсрдечни честитки по повод големиот христијански празник Св. Климент Охридски.

Светиот Климент Охридски е наш, но и европски цивилизациски симбол, кој со својата просвета не заостана зад своите учители светите браќа Кирил и Методиј, туку го продолжи нивното хумано и духовно дело. Неговото дело не е само наше духовно и културно богатство, туку е дел од темелите на европската цивилизација и култура.

Чествувајќи го овој голем празник, да покажеме поголема мудрост и разбирање, промовирајќи ја љубовта, мирот, меѓусебното почитување, толеранцијата и солидарноста како темели на православието.

Нека ни е честит и вековит денешниот празник!