Денес во Локалната библиотека „Гоце Делчев” беа промовирани новите шест наслови од книгите испечатени на Брајово писмо кои ќе бидат дел од Брајовата библиотека „Ратко Пајдаков”.

Проектот е во реализација на Здружението за слепи лица од Велес. Покрај редовната поддршка од Општина Велес, за овој проект со своја помош се вклучија фирмите „Леов Компани” и „Жито Маркети” како и организаторите на Хумантирната манифестација „Саем на храна” oд ООУ „Блаже Конески”.
Пред присутните граѓани промовирани беа книгите ,,Печалбари,” од Антон Панов, „Бегалка” и „Чорбаџи Теодос” од Васил Иљоски, ,,Парите се отепувачкa” од Ристо Крле, ,,Пустина” од Горги Абаџиев и ,,Три секунди” од Игор Крајчев.
Инаку книгите беа отпечатени на Брајовиот печатар кој Општина Велес го набави изминатата година токму за потребите на Здружението на слепи лица и печатење на книги на Брајово писмо. Едицијата досега брои 17 книги, заедно со денеска промовираните како и една аудио книга на македонски, исто така наменета за оваа категорија лица.