Денес во медиотеката на Локалната библиотека „Гоце Делчев“, УСАИД во соработка со Општина Велес го организираше четвртиот регионален промотивен настан на кој беа претставени проектните активности и успешните приказни на лица со попреченост кои се вработиле или добиле практикантски ангажман преку проект на оваа меѓународна организација.
На настанот учествуваа претставници од општините од Вардарскиот плански регион, како и од компании, невладини организации и јавни институции.

Проектот на УСАИД за практикантска работа и вработување на лица со попреченост има за цел: подобрување на вештините за вработување на лицата со попреченост преку обуки и практикантска работа; препознавање на способностите на лицата со попреченост и нивно правилно насочување на работното место преку обуки за преставниците од компании и јавни институции за менторско водење на лица со попреченост; поддршка на лицата со попреченост да започнат сопствен бизнис и зголемување на свеста кај јавниот и приватниот сектор за потенцијалите на лицата со попреченост.
Ова цел се остварува со подобрување на нивните вештини за вработување преку организација на пракси и обуки, како и учество во кампањи за подигнување на јавната свест со што ги прави овие прашања повидливи за приватниот сектор и локалните заедници.
Проектот започна во август 2012 година и ќе трае четири години. Помошта од проектот е наменета за лицата со попреченост од Скопје, Велес, Куманово, Штип, Пробиштип, Свети Николе, Тетово, Гостивар, Струга, Дебар и Кичево.