Денес во ССОУ „Коле Неделковски” започнаа градежни активности за уредување на училишниот двор. Поволните временски прилики, овозможија непречно да се извршуваат работите во делот на бетонирање на патеките и реализирање на други санациони активности.

Акцијата има за цел зголемување на функционалноста на дворот и истата ќе подолжи да се одвива до нејзино комплетно завршување. Во посета на ССОУ „Коле Неделковски” утрово беше и градоначалникот Славчо Чадиев, кој заедно со в.д. директорот Боро Ристовски и персоналот на училиштето одблизу ги следеа интервенциите кои што се превземаат во школскиот двор.