Голем пожар кој попладнево некаде околу 13 часот изби во близина на с. Башино село се уште гори. Пламените јазици досега опфатија околку 100 хектари површина сува трева и грмушки. За среќа боровите дрвја на овој дел засега се спасени.
Со огнената стихија, а со цел да не се прошири и на околината, повеќе од пет часа се справуваат вработени од Противпожарната единица од Велес, ЈКП „Дервен“ и Шумското стопанство „Бабунa”. Како помош, од страна на Дирекцијата за заштита и спасување испратени се и авиони кои интензивно се вклучени во акцијата за гаснење на големиот пожар.

На лице место е и градоначалникот Славчо Чадиев кој одблизу ја следи работата на сите вклучени. Состојбата е променлива од час во час. Во меѓусебна координација со градоначалникот и надлежните служби се и велешките пратеници но и раководните лица од повеќе централни институции. Се очекува пожарот вечерва да биде локализиран.