Во Општина Велес втора година по ред се врши предавање на електронска отпадна опрема (компјутери, печатачи, телефони и др.) во согласност со законските обврски регулирани во Законот за управување со електрична и електронска опрема и отпадна електрична и електронска опрема.
Старите и неупотребувани електронски уреди од Медицински центар Велес, општината, Територијалната противпожарна единица се предадоа на овластениот постапувач “Ивал трејд” ДОО Штип, со кој Општина Велес има склучено договор за собирање и транспорт на овој отпад.

До крајот на годината на општинската комунална депонија ќе се организира простор за складирање на електричен и електронски отпад. Услугата ќе биде обезбедена за сите заинтересирани правни и физички лица.
Општина Велес ги упатува сите заинтересирани кои имаат стари и неупотребливи компјутери и др. електронска опрема, да се обратат во РЕ “Комунална хигиена” при ЈКП “Дервен”, каде ќе добијат упатства за начинот и времето на предавање на отпадот.