По повод Неделата на детето што се одржува секоја година во првата недела од октомври, Општина Велес традиционално организира театарска претстава за сите првачиња.

Оваа година кога Велес е Град на културата во Република Македонија, на 5.10.2015 година (понеделник) за првачињата ќе биде одиграна куклената претстава „Лакомата меца“ на Театарот за деца и младинци од Скопје. За да може да бидат опфатени сите првачиња од Општина Велес, Народниот театар „ЈХК Џинот“ организира две претстави – во 10:30 и во 12:00 часот.