Тим од Општина Велес аплицираше и е одбран за Интернационална тренинг програма “Enabling Local Democracy and Holistic Urban Planning through the SymbioCity Approach”.

Оваа програма е во организација на Шведската влада, преку Business Sweden и SKL International и се фокусира на одржлив урбан развој на локално ниво. Тренингот се базира на SymbioCity пристапот како методологија за развој и зајакнување на институционалното урбано раководење, специјално креиран за менаџери и професионалци од областа на урбанистичкото планирање во локалните и регионални органи во Македонија, Србија, Турција и Грузија.

Членови на нашиот тим се: Деан Стојанов, Тања Божинова и Тијана Маневска, со проектот: Идентификација на решенија за проблемот со атмосферските води во градот Велес преку иновативен пристап (Change Project - Identification of the solutions for the rain water issue of the city of Veles trough an innovative approach).

Интернационалната тренинг програма е во почетна фаза и како дел од воведот во истата се одржа презентација за проектот, каде заедно со фасилитаторот др. Огнен Марина – професор на Архитектонскиот факултет во Скопје беа запознаени со идните активности учесниците кои ќе бидат најинволвирани во процесот.
Презентацијата се одржа на 14.10.2015год (среда) во Општина Велес.