Утрово во 08.00 часот се роди првото бебе во Општина Велес.

Градоначалникот Славчо Чадиев, традиционално го посети првороденчето во 2016 година и лично и честиташе на мајката која го доби најубавиот новогодишен подарок.
Среќната мајка од с. Горно Јаболчиште на свет донесе здраво женско дете. Градоначалникот Чадиев на првото новороденче му посака добро здравје и безгрижно детство исполнето со радости. На мајката и врачи пригодни подароци.