Една од најголемите улици во село Бузалково започна да се реновира. Екипи на фирмата изведувач се на терен. Денеска завршуваат подготвителните работи. Извршено е тампонирање и се поставуваат ивичници, а од утре започнува поставување на мрежа и бетонирање на улицата. Градежните работи се изведуват во горниот дел на селото. Улицата е со вкупна должина од 420 метри. На овој потег има 60-тина семејни куќи во кои живеат скоро 500 жители.

„Од утре започнува бетонирањето. Очекуваме целиот проект да биде готов за 10-тина денови. Ивичници поставуваме само од левата страна ,затоа што на десната во наредниот период треба да се изведе водоводна мрежа. Реконструкцијата на улицита е дел од програмата за работа на локалната самоуправа и чини 1,5 милиони денари„рече Градоначалникот на Општина Велес, Славчо Чадиев.
Ова е трета улица која се реновира во едно од најголемите велешки села, во последните три години.