Продолжуваат инфраструктурните активности на Општина Велес. Во моментов се работи на левата страна на градот. На улица Родна Ивева се изведуваат градежни активности за поставување на водоводна мрежа во должина над 250 метри. Градоначалникот Славчо Чадиев денеска беше на лице место и изврши увид во работите. Поставување на оваа водоводна линија е еден од приоритетите кои ги посочија токму граѓаните од Урбаната заедница Богдан Каракостев на средбите со градоначалникот.