Во рамки на работната посета на Словенија, делегацијата на Општина Велес предводена од градоначалникот Аце Коцевски се сретна со градоначалникот на Љубљана Зоран Јанковиќ, кој пред десетина дена четврти пат победи на локалните избори.

Пред тоа делегацијата имаше работна средба со професор Јанез Кожељ, заменик на градоначалникот и главен архитект, кој е идеен креатор на сообраќајните решенија од Планот за одржлива урбана мобилност на Љубљана.