Изминатава недела во тек се интензивни градежни активности за реконструкција на тротоарот во централното градско подрачје. На ова место најпрвин се отстрануваат старите и дотраени плочки, а во текот на наредните денови ќе започне поставувањето на нови бехатонски плочки.

На површината од тротоарот ќе бидат поставени и повисоки рабници кои што ќе го спречат паркирањето на автомобили. Дополнително просторот ќе се заштити и со метални елементи. Вредноста на оваа инвестиција изнесува околу 1.2 милиони денари, а во овој прв дел ќе бидат реконструирани близу 1.000 м2 површина. Оваа година, етапно ќе се уредуваат и останатите тротоарски делови во центарот на градот.