Во рамките на одбележувањето на 70 години Црвен крст на Република Македонија денес во просториите на Општина Велес се одржа работна средба помеѓу градоначалникот Славчо Чадиев и претседателот на Црвениот крст од Република Македонија др. Милчо Трајков.

На средбата присуствуваa и заменик-претседателот на Меѓународната федерација на Црвениот крст и Претседател на Црвениот крст од Италија Франческо Рока, како и Претседателката на Црвениот крст од Црна Гора, Гордана Мијовиќ. Притоа градоначалникот Чадиев ја искористи можноста на Црвениот крст од Македонија да им го честита јубилејот, посакувајќи им на сите членови и волонтери да продолжат по патот на хуманоста.