Во с. Иванковци во тек се интензини градежни работи за уредување на улиците. Активностите се дел од проектот финансиран преку Агенцијата за финансиска подршка на земјоделството и руралниот развој во висина од близу 5.000.000 денари. Денес во посета на ова населено место беше и градоначалникот Славчо Чадиев кој изрази задоволство од досегашниот тек на работа.

Со завршувањето на реализацијата на проектот се предвидува биде уреден центарот на селото, а ќе се овозможи и поврзување на централната со попречните селски улици и ќе се реши проблемот со прифаќањето и одведување на атмосферските води. На овој начин ќе се олесни сообраќајната комуникација и транспортот на земјоделските производи и ќе се стимулира развојот на локалната заедница.