Велешката компанија „БРАКО” ова лето ќе оствари соработка со ССОУ „Коле Неделковски” од Велес. Проектот за практична настава предвидува триесет ученици да посетуваат пракса во компанијата, а најдобрите од нив да бидат вработени.
Договорот за соработка го потпишаa проф. д-р Кочо Анѓушев, Претседател на Бордот на директори на БРАКО Велес и Боро Ристовски, директорот на ССОУ Коле Неделковски – Велес. На настанот присуствуваше и градоначалникот Славчо Чадиев, кој изрази задоволство од реализацијата на овој проект.

Воедно се планира компанија да инвестира 4 милиони евра во нова хала и опрема, најсовремени CNC компјутерски водени машини, за чии оператори ќе бидат обучени нововработените од оваа програма.